Aksi rrugor Burrel-Klos vijon të paraqesë problematika të ndryshme për drejtuesit e mjeteve, por për qytetarët e zonës së Matit kjo nuk është një histori e re. Pellgjet dhe gropat për vite me radhë vazhdojnë të mbeten pjesë e panoramës së qytetit.
Prej vitesh tanimë, firmat mirëmbajtëse të këtij aksi nacional vazhdojnë t’i mbushin gropat me zhavor, pavarësisht se kjo nuk e zgjidh aspak problemin e përmirësimit të qarkullimit të mjeteve, pasi mjafton vetëm një ditë me shi dhe situata kthehet në gjendjen e mëparshme.
Qytetarët ankohen për situatën problematike dhe paralajmërojnë se do ngrihen në protesta nëse vijon kështu. (D.D/Shuplaka)
