Nëse merr një zyrë me qira në Tiranë duhet të mendohesh mirë sepse do të duhet të paguash më shtrenjtë se sa për një zyrë në kryeqytetin grek, Athinë.
“Colliers International” shkruan se qiratë mujore në zonat qendrore të biznesit janë ndër më të shtrenjtat në Ballkanin Perëndimor.
Konkretisht: për zyrat cilësore, qiraja mujore arrin deri në 24 euro për metër katror, ndërsa për zonat e klasit A arrin deri në 20 euro/m2.
“Qiraja mesatare për zyrat e klasit A është 18.3 euro/m2, duke shënuar një rritje në vitin 2016, nga 17.5 euro/m2, që ishte në fund të 2015-s. Në raportin e “Colliers” shkruhet se në fund të gjashtëmujorit të dytë 2016, stoku i përgjithshëm i zyrave në Tiranë ka rënë në 101,307 m2.”, shkruan ndër të tjera “Monitor”.
Pjesa më e madhe e ofertave për zyra është e vendosur në qendër të qytetit, ndërsa zonat më pak të preferuara janë ato të Tiranës. Nga ana tjetër, projektet e mëdha të zyrave, të vendosura jashtë qytetit, kanë regjistruar norma të larta të moszënies.
(XH.A/SHUPLAKA)
Discussion about this post