Fatmir Xhafaj është tashmë me një këmbë tek Ministria e Brendshme. Emri i tij është i propozuari i kryeministrit Rama për të zëvendësuar Saimir Tahirin tashmë të shkarkuar.
Duhet thënë se Xhafaj nuk ishte një nga emrat që u përfolën dje për këtë post. Niko Peleshi u fol si një nga pretendentët kryesorë.
Ai më parë ka mbajtur postin e Kreut të Komisionit të Ligjeve si dhe Komisionit në Drejtësi. Po emërimi i tij nuk është pritur dhe aq mirë.
Gazetari Basir Çollaku ka shpërndarë sot një foto të Xhafajt, i cili shfaqet me ish-diktatorin Hoxha. Në fakt kjo foto prej kohësh qarkullon në internet duke u bërë virale.
‘’Ministri i Ri i Brendshëm, ose si droga nuk ikën nga droga, trashëgimia dhe dosjet e trafikut vendosin…nuk del as Soros pa gjë në këtë mesele…’’, shkruan Çollaku. (E.K/SHUPLAKA)
Discussion about this post