Gazeta gjerman “Frankfurter Allgemeine Zeitung” në një artikull dedikuar krizës politike në Maqedoni shkrun se, presidenti Ivanov po ndjek rrugën e diktatorit të dhunshëm, Sllobodan Milosheviç, raporton agjencia e lajmeve INA.
“Rama thotë se platforma nuk përmban kushte, por vizion. Nuk është ndonjë risi se sundimi i së drejtës dhe ndarja e pushtetit nuk funksionojnë mirë në Ballkanin Perëndimor. Por kjo që po ndodhë tani në Maqedoni, nuk ka ndodhur që nga rënia e diktatorit të dhunshëm serb, Sllobodan Milosheviq në vitin 2000: Një shef i shtetit në mënyrë të hapur kundërshton ta pranoj rezultatin zgjedhor, shkruan FAZ në edicionin e sotëm në tekstin me titull “Në konfuzionin shkupjan”.
Presidenti i Maqedonisë George Ivanov ka deklaruar se nuk do ia japë mandatin liderit të opozitës, Zoran Zaevit për shkak se ai ka pranuar platformën shqiptare, e cila sipas Ivanovit cënon sovranitetin e vendit.
Ivanov ka thënë se ka kërkuar nga Zaevi që “ta hedhë poshtë platformën e hartuar nga jashtë”.
Ivanov gjithashtu ka kërkuar nga Bashkësia Ndërkombëtare ta dënojë platformën dhe të mos imponojë zgjidhje. Sipas Ivanovit, çdo vendim i gabueshëm mundet të ketë pasoja për vendin.
Ai ka shtuar se për aq kohë sa ai do të jetë president nuk do i japë askujt mandatin përderisa cënohet sovraniteti, integriteti dhe pavarësia e shtetit.
“Dëshiroj t’ju bind ju, qytetarëve, të jeni të qetë, sepse gjithnjë derisa unë të jem president i Republikës së Maqedonisë nuk do t’i jap mandatin asnjë njeriu dhe asnjë partie politike që angazhohet apo që në programin e saj ka një platformë e cila rrënon sovranitetin, integritetin territorial dhe pavarësinë e Republikës së Maqedonisë. Thellë besoj se këto janë vlerat bazë me të cilat askush nuk ka të drejtë të tregtojë dhe nuk mendoj të heq dorë nga to”,- u shpreh Ivanov. (M.D/ Shuplaka)
