Publikohen pamjet nga ngjarja në Bibliotekën Kombëtare në kryeqytet, e cila mëngjesin e sotëm u përfshi nga flakët e zjarrit.
Mësohet se zjarri ka nisur në katin e tretë të nëndheshëm të bibliotekës, aty ku ndodhen Antikuarët dhe librat e vjetër.
Plot 3 zjarrfikëse kanë mbërritur në vendngjarje për të bërë të mundur lokalizimin e flakëve, megjithatë pavarësisht tentativave të tyre për të depërtuar në katin e tretë të nëndheshëm, ata akoma nuk kanëarritur ta bëjnë këtë. Disa punonjës të zjarrfikëses po hyjnë me bombola oksigjeni në katet e nëndheshme.
Ka qenë Policia Bashkiake që ka konstatuar zjarrin gjatë një patrullimi. Mësohet se një person është dërguar me urgjencë drejt spitalit.
“Po bëjmë të pamundurën që flakët të mos përhapen.”, janë shprehur shërbimet zjarrfikëse. Nga të dhënat e deritanishme, dyshohet se zjarri është shkaktuar nga një shkëndijë elektrike. (D.D/Shuplaka)
Discussion about this post