Drejtoresha e Bibliotekës Persida Asllani për zjarrin te Biblioteka Komëtare deklaroi se nuk është prekur pjesa e arkivit të shkrimve të rrallla. Sipas saj vetëm një punonjës nga rënia e këtij zjarri shfaqi probleme shëndetësore dhe është jashtë rrezikut për jetën.
“Sot rreth orës 10 e 40 minuta u sinjalizua me sirena ekzistenca e një varte zjarri. U morrën masa nga Zjarrfikësit nga Policia e Shtetit dhe nga Emergjencat Civile. U bë e mundur evakuimi. Vetëm një prej punonjësve shfaqi probleme shëndetësore dhe është jashtë rrezikut për jetën.
Deri më tani nuk na rezulton që të jenë prekur të dhëna të rëndësishme, në kushtet aktuale është ende herët për të dhënë dëmet konkrete materiale. E rëndësishme është që sistemi ka funksionuar. Emergjenca civile, specialitët, Policia e Shtetit dhe zjarrfikësja, kanë bërë të mundur shuarjen e zjarrit.
Presim një raport zyrtar profesionistësh. Pjesa e arkivit të shkrimve të rralla është e paprekur. Duhet të kemi parasysh që dixhitalizimi i jep rëndësi vlerave të rralla. Unë i besoj shumë gjuhës profesionale dhe ekipi pasi të përfundojë punën dhe do të na jap një komunikim zyrtar”, u shpreh drejtoresha.
Zjarri ka përfshirë katin e nëndheshëm të Bibliotekës Kombëtare në kryeqytet. Konkretisht, në katin ku ndodhet Antikuarët dhe librat e vjetër. “Po bëjmë të pamundurën që flakët të mos përhapen.”, janë shprehur shërbimet zjarrfikëse. Nga të dhënat e deritanishme, dyshohet se zjarri është shkaktuar nga një shkëndijë elektrike.
(J.V/Shuplaka)
Discussion about this post