Kryeministri Edi Rama ndodhet në Sarajevë, në kuadër të Samitit të Liderëve të Ballkanit Perëndimor. Mbrëmjen e djeshme, ai mori pjesë edhe në një darkë ku ishin të pranishëm ndër të tjerë edhe Vuçiç me Mustafën.
Por pavarësisht se ku ndodhet, ai ka zgjedhur t’u thotë “Mirëmëngjes” shqiptarëve me një foto nga Shqipëria. Konkretisht, ai ka zgjedhur urën pranë Bratajt, për të cilën shprehet se është pjesë e projektit të ndërtimit të rrugës së re.
“Mirëmëngjes dhe ju uroj një ditë të mbarë me këtë imazh të urës veneciane pranë Bratajt, në luginën e Lumit të Vlorës. Pjesë e projektit të ndërtimit të rrugës së re është dhe restaurimi i kësaj ure të bukur, si edhe krijimi i një vendpushimi panoramik pranë saj, për turistët e shumtë që parashikojmë ta përshkojnë atë zonë të pazbuluar të Shqipërisë.”, shkruan Rama.
(XH.A/SHUPLAKA)
Discussion about this post