Opozitari i vetëm në sallën e Kuvendit këto katër javët e fundit është deputeti i LIBRA-s, Ben Blushi. Ai ka vijuar me akuzat e tij për qeverisjen dhe koalicionin Rama-Meta duke komentuar edhe largimet e Ministrave.
Për Blushin ato kanë pasur vetëm një qëllim që të plotësojnë dëshirat e Metës.
‘’Si mund ta pranojmë që ministrat të zëvendësohen si kuaj gare pa asnjë arsye dhe pa asnjë shkak. Shkaqe ka po janë vetëm personale, ministrat u hoqën si taksë për koalicionin me Ilir metën. Iliri hoqi Tahirin, Tahiri hoqi ilirin, Edi emëroi Fatmirin.
Për çfarë biejnë dakord këta në koalicion? Për të berë Refomën në Drejtësi? Jo. Për të rritur punësimin te të rinjtë? Sigurisht që jo. Për çfarë na qëndron në këmbë ky koalicion, për të ndërruar një rimel me një penel?
Bëhet kryetari i Rilindjes ai që vendos Meta, kë nuk do Meta nuk është Ministër, ky është statuti i firmosur i Rilindjes. Për çfarë do dilni pas tre muaj për të kërkuar votat? A rritët pagat dhe pensionet, a thoni dotë që ulët barrën financiare për arsimimin e fëmnijëve, a mburreni dot me investimet e huaja? Sigurisht që jo. Është rritur çmimi i naftës, i energjisë për të varfërit. Rama tha një fjali të sinqertë këtë javë, ajde marrim pushtet që të mbrohemi iu tha Ministrave’’, deklaroi Blushi. (E.K/SHUPLAKA)
Discussion about this post