Kreu i Bashkisë së Tiranës Erion Veliaj falenderon zjarrfikësit të cilët punuan për të shuar flakët e zjarrit, që përshkoi një ditë më parë Bibliotekën Kombëtare.
Në profilin e tij zyrtar në Facebook, Veliaj ka publikuar foton e një zjarrfikësi të shtrirë përtokë, pas lodhjes në luftën e gjatë me flakët e zjarrit. Zjarrfikësi në fjalë shihet i mbuluar nga hiri.
Falemnderit nga zemra Lorenc Hatia dhe kolegët heronj të Zjarrfikëseve të Bashkia Tiranë, shpëtuan pasuri kombëtare dje tek Biblioteka!
Në një status të mëparshëm të zjarrfikësve në në llogarinë e tyre në “Facebook”, shkruhet: “U lodhëm por ia vlejti!”.
Zjarri i djeshëm ka përfshirë katin e nëndheshëm të Bibliotekës Kombëtare në kryeqytet. Konkretisht, në katin ku ndodhet Antikuarët dhe librat e vjetër. Dyshohet se shkak është bërë një shkëndijë elektrike. (D.D/Shuplaka)
Discussion about this post