Të shprehesh me muzikë në fakt është një nga mënyrat më të bukura të transmetimit të mesazheve, që jo gjithmonë janë pozitive. Përveç mesazheve të dashurisë, paqes apo gëzimit këngët mund të transmetojnë edhe mesazhe ‘’lufte’’. Kjo ka ndodhur sipas Gjykatës Themelore të Prishtinës me një nga këngët e këngëtarit shqiptar të Kosovës ‘’Gold Ag’’.
Kënga “Shqiptar 2” pritet që ta çojë reperin përballë gjykatës. Prokuroria Themelore e Prishtinës e ka akuzuar atë për nxitje të urrejtjes, përçarjes dhe mosdurimit kombëtar, racor, fetar apo etnik, pas denoncimit që ia ka bërë atij në nëntor të vitit 2014 ish-deputetja e LDK-së, Alma Lama, njëherësh ambasadore e Kosovës në Itali.
Një pjesë e shkëputur nga kënga “Shqiptar 2” është konsideruar si provë kryesore, sipas aktakuzës të cilën e posedon “Koha Ditore”. Sipas prokurorisë ka elemente të kryerjes së veprës penale nga reperi Gold AG dhe per këtë ai rrezikon burgun.
Aktakuza është ngritur nga prokurori Naim Abazi, kurse hetimet rreth këtij rasti kanë filluar më 21 nëntor të vitit 2014. (E.K/SHUPLAKA)
GoLd Ag – Shqiptar 2 (HD) from DjBenny on Vimeo.
