Shqiptarët “bum” blerjesh të elektroshtëpiakëve për Vit të Ri, pëson rritje tregtia me pakicë

Shitjet e artikujve industrialë, kryesisht elektroshtëpikave në prag të festave të fundvitit, kanë rritur ndjeshëm shitjet me pakicë në tremujorin e katërt të vitit 2016.

Ofertat e fundvitit kanë nxitur shitjet e televizorëve, lavatriçeve, etj., e për pasojë kanë rritur tregtinë me pakicë.
Sipas INSTAT, indeksi i volumit të shitjeve në Tregtinë me Pakicë është rritur 8,6%, krahasuar me të njëjtën periudhë të vitit 2015 dhe 3,6%, krahasuar me tremujorin paraardhës.

Ndërkaq, në grupin e Tregtisë me Pakicë, pa përfshirë këtu Tregtinë me Pakicë të Hidrokarbureve, ky indeks ka shënuar një rritje prej 7,2%, kundrejt të njëjtit tremujor të vitit të mëparshëm.

Në grupin “Ushqime, pije, duhan në njësi tregtare jo të specializuara dhe të specializuara”, indeksi i volumit të shitjeve është rritur 6,2%, krahasuar me të njëjtin tremujor të vitit 2015.

Indeksi i volumit të shitjeve në Tregtinë me Pakicë, për grupin “Produkte joushqimore në njësi tregtare të specializuara dhe jo të specializuara (përjashtuar Tregtinë me Pakicë të Hidrokarbureve në njësi tregtare të specializuara)”, është rritur në nivelin 7,8%, kundrejt së njëjtës periudhë të vitit paraardhës, duke dhënë në këtë tremujor kontributin kryesor në indeksin e volumit të shitjeve në Tregtinë me Pakicë.
Në grupin “Tregti Hidrokarburesh në njësi tregtare të specializuara”, indeksi i volumit të shitjeve është rritur 10,6%, krahasuar me të njëjtin tremujor të vitit 2015, dhe është ulur 8%, krahasuar me tremujorin paraardhës.

Indeksi i volumit të shitjeve në Tregtinë me Pakicë në tremujorin e katërt 2016 krahasuar me të njëjtin tremujor të vitit 2015 është rritur 8,61%. Grupi “Artikuj joushqimorë në njësi tregtare të specializuara dhe jo të specializuara” ka ndikuar me +3,7 pikë përqindje; grupi “Tregti me pakicë e Hidrokarbureve në njësi tregtare të specializuara” me +3,4 pikë përqindje dhe grupi “Ushqime, pije e duhan në njësi tregtare jo të specializuara dhe të specializuara” me +1,6 pikë përqindje./monitor

(XH.A/SHUPLAKA)

[ngg_images source=”galleries” container_ids=”1366″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]