Sikundër në çdo ndalesë të tij nëpër qytete, ku takimet e tij me banorët për lejet e legalizimit, shoqërohen me batuta, nuk munguan edhe në këtë ndalesë të tijën.
Ai u ndal për të shpërndarë vetë disa prej lejeve të legalizimit për qytetarët e Shkodrës, ku nuk ngurroi të shënjestrojë Lulzim Bashën duke thënë se gjumin e transportoi në Shkodër, referuar këtu kryebashkiakes Voltana Ademi, ai ndalet edhe në një tjetër çështje.
Në dukje duke iu drejtuar qytetarëve të Shkodrës, ai reagon pas deklaratës së një dite më parë të kryedemokratit Basha, duke u shprehur se është e sigurt që zgjedhjet do të zhvillohen më 18 qershor.
“Ju e dini vetë për kë votoni, unë nuk jam këtu për fushatë elektorale. Por një gjë është e sigurtë, se zgjedhjet do të mbahen më 18 qershor.”, u shpreh kryeministri Rama.
Një ditë më parë, kryetari i Partisë Demokratike, Lulzim Basha, deklaroi se zgjedhjet janë në rrezik edhe nëse krijohet qeveria teknike, ndaj është më mirë të shtyhen.
“Shurdhëria ndaj zërit të qytetarëve, asgjësimi i reformës zgjedhore dhe kultivimi i drogës rrezikojnë mbajtjen e zgjedhjeve me 18 qershor, edhe sikur sot të kishte një pakt mes palëve politike për një qeveri teknike. Prandaj nuk është e pamendueshme që për hir të standardeve zgjedhore, të zgjedhjeve të lira dhe të ndershme, të shikohet edhe shtyrja e zgjedhjeve.”, u shpreh dje Basha.
(XH.A/SHUPLAKA)
Discussion about this post