Kryetarja e Bashkisë Shkodër, Voltana Ademi ka reaguar pas takimit të Edi Ramës me shkodranët ditën e sotme ku shpërndau leje legalizimi dhe lëshoi kritika drejt Ademit.
Voltana Ademi i është përgjigjur në rrjetet sociale Ramës duke thënë se ai tallet me njerëzit e thjeshtë që takon.
“Po të isha në vendin tënd do më vinte turp të dilja para popullit! Dy fjalë Edi Ramës që vjen e tallet me njerëz të thjeshtë duke i thënë: “Shiko nga kamera dhe thuaj kshu”, “hajde fol po mos thuaj këtë po thuaj atë”, “hajde falendero babën”, “me cilën parti je”, “a më do fort”,”ku merr vesh ti..” etj etj”, shkruan Ademi.
Duke komentuar batutën e Ramës për krevatin e Bashës, kryebashkiakja e Shkodrës thotë se Edi Rama nuk ka një shtrat po shumë shtretër pasi flet nga shtretërit e shokëve te shumtë kriminelë të rrezikshëm që i bëri deputetë e kryetarë bashkish.
“Edi Rama nuk ka një shtrat po shumë shtretër pasi flet nga shtretërit e shokëve te shumtë kriminelë të rrezikshëm që i bëri deputet e kryetar bashkish. Sot të gjithë po i shohim me zë e figurë se janë vrasës, tutorë e trafikantë droge.”, shkroi Ademi.
Ademi po ashtu ka thënë se Rama e ka diskriminuar politikisht Shkodrën në dhënien e fondeve .
“Flet për gjumin se kërkon të vërë në gjumë popullin e Shkodrës duke e diskriminuar politikisht, duke i dhënë fonde sa një ish-komune e duke mos i miratuar asnjë projekt.
Por Bashkinë Shkodër nuk do arrish ta vësh në gjumë, pasi ky qytet ka shpirt demokrat dhe punëtor. Po përdor shumë marifete, por me humbje spektakolare do dalësh nga Shkodra! E dini kush është Rama? Ështe ai që tha para pak kohësh se nuk na jep Bashkia Shkodër leje për “Kafen e Madhe”. Ndërkohë që nuk kishte aplikuar fare për leje! Lejet janë në dorë të Edi Ramës dhe jo në dorë të Bashkisë së Shkodrës. Të këtij format gënjeshtre i ka edhe diskutimet e premtimet.
Por, kjo do i zgjasë deri me 18 qershor kur kryeminister i vendit do jetë Lulzim Basha!” shkroi Ademi.
POSTIMI I VOLTANA ADEMIT
“Po të isha në vendin tënd do më vinte turp të dilja para popullit!
Dy fjalë Edi Ramës që vjen e tallet me njerëz të thjeshtë duke i thënë: “shiko nga kamera dhe thuaj kshu”, “hajde fol po mos thuaj këtë po thuaj atë”, “hajde falendero babën”, “me cilën parti je”, “a më do fort”,”ku merr vesh ti..” etj etj
Edi Rama nuk ka një shtrat po shumë shtretër pasi flet nga shtretërit e shokëve të shumtë kriminelë të rrezikshëm që i bëri deputetë e kryetarë bashkish. Sot të gjithë po i shohim me zë e figurë se janë vrasës, tutorë e trafikantë droge.
Ndaj Edi Rama flet për gjumin se kërkon të vërë popullin në gjumë përballë kësaj maskarade, dhe për ironi, ka guxim e flet për vetingun.
Flet për gjumin se kërkon të vërë në gjumë popullin e Shkodrës duke e diskriminuar politikisht, duke i dhënë fonde sa një ish-komune e duke mos i miratuar asnjë projekt.
Por Bashkinë Shkodër nuk do arrish ta vësh në gjumë, pasi ky qytet ka shpirt demokrat dhe punëtor. Po përdor shumë marifete, por me humbje spektakolare do dalësh nga Shkodra!
E dini kush është Rama? Ështe ai që tha para pak kohësh se nuk na jep Bashkia Shkodër leje për “Kafen e Madhe”. Ndërkohë që nuk kishte aplikuar fare për leje! Lejet janë në dorë të Edi Ramës dhe jo në dorë të Bashkisë së Shkodrës. Të këtij format gënjeshtre i ka edhe diskutimet e premtimet.
Por, kjo do i zgjasë deri me 18 qershor kur kryeminister i vendit do jetë Lulzim Basha!(M.D/ Shuplaka)
Discussion about this post