Dita e sotme shënon një muaj nga protesta e opozitës për zgjedhje të lira e të ndershme. Duhet thënë se është një nga protestat më të gjata që është mbajtur ndonjëherë.
Sot Basha ka rritur edhe tonet duke i thënë Ramës se qytetarët nuk do të stepen nga kërcënimet e tij dhe se qeveria teknike do të vijë shumë shpejt.
Ai ka folur edhe për krisjen brenda koalicionit qeverisës duke thënë se dyshja nuk i ka punët fare mirë.
‘’Kë kërcënon mor ‘’surratsës’’. Po ja themi popullorëe, që vjen nga turqishtja e vjetër që do të thotë i pafytyrë. Kujt i kujton 97-tën ti? Kjo është protesta më paqësore dhe më europiane. Hiq dorë nga kërcënimet, kërcënimet e tua nuk pijnë më ujë.
Shqipëria nuk do të destabilizohet për surratin tënd. Shqipëria nuk do të dëmtohet për surratin tënd. Shqipëria do të shkojë në qeveri teknike duke mbajtur zgjedhje të lira. Tani i ka rënë edhe damllja, edhe dyshja i ka punët keq edhe brenda në shtëpi i ka punët keq, se kështu është kur merresh me kriminela.
Kush fle me qenin zgjohet me pleshta. Bëj gati valizhet, dil nga zyra që e ktheve në shtab krimi, ndryshe shqiptarët do të nxjerin në mënyrë legjitime.
Këtu jemi dhe do të jemi paqësisht dhe në mënyrë demokratike. Derisa qeveria teknike t’i hapë rrugë zgjedhjeve të lira dhe vllezër dhe motra kjo ditë po vjen. Zoti i bekoftë Shqipërinë dhe Shqiptarët në këtë muaj të mbarë’’, deklaroi Basha. (E.K/SHUPLAKA)
Discussion about this post