Rrugës për në Rinas, arrestohen në flagrancë polici i burgut me një të dënuar për rrëmbim

Një polic i burgut të Tepelenës dhe një i dënuar për rrëmbim janë arrestuar në flagrancë nga Shërbimet e Forcës të Posaçme “Shqiponjat” në bashkëpunim me Specialistët e Seksionit Kundër Krimeve të Rënda ndaj Jetës.

Ata u kapen teksa ishin duke udhëtuar me një makinë “Audi” në rrugën Vorë-Rinas. Janë vënë në pranga shtetasit:

Mirald Meça, 28 vjeç, banues në Tepelenë, me profesion Punonjës Policie pranë I.E.V.P. Tepelenë

Gentian Muçaj, 36 vjeç, banues në Tepelenë, i dënuar më parë për rrëmbim personi

Gjatë kontrollit të ushtruar në automjet, u janë gjetur dhe sekuestruar në cilësinë e provës materiale: dy pistoleta, një TT, me 7 fishekë dhe një Grand Poëer, me 15 fishekë.

Materialet procedurale për këtë rast i janë kaluar Prokurorisë pranë Gjykatës së rrethit Gjyqësor Tiranë, për veprën penale “Prodhim dhe mbajtje pa leje e armëve luftarake dhe municionit”.

(XH.A/SHUPLAKA)