Një alarm për bombë është shënuar pak para mesnatës së djeshme në Shtëpinë e Bardhë. Alarmi u ngrit menjëherë nga Shërbimi Sekret i Shtëpisë së Bardhë, i cili vuri në pranga një person, në makinën e të cilit dyshohej se kishte bombë.
Nuk ka ende asnjë konfirmim nëse ka pasur diçka dyshuese brenda automjetit, por siguria u përmirësua ndjeshëm menjëherë. Zyrtarë të Shtëpisë së Bardhë bënë me dije se automjeti i është nënshtruar kontrollit.
Shërbimi Sekret e cilësoi rastin si një “hetim i vazhdueshëm kriminal”. Ai nuk është i pari që shënohet përgjatë këtyre ditëve.
Në kohën e incidentit, presidenti Donald Trump ndodhej në Florida, aty ku kalon shumicën e fundjavës së tij.
(XH.A/SHUPLAKA)
