Ai madje ka deklaruar se këtë mund ta bëjë edhe pa lejen e Qeverisë së Kosovës, por se mendon se “nuk do të kishte kuptim” dhe nuk dëshiron që të “nxisë probleme për serbët” e Kosovës.
Këto deklarata, siç raporton agjencia serbe e lajmeve “Beta”, Vuçiq i bëri gjatë përurimit të stadiumit në Novi Pazar, duke theksuar se “në Kosovë mund të hyjë përmes vendkalimeve alternative”.
Duke folur për dialogun me Kosovën, Vuçiq ka thënë se Beogradi dëshiron që ai proces të vazhdojë por se “pala tjetër vetëm kërkon arsye dhe justifikim që kjo të mos ndodhë”.
Kryeministri aktual i Serbisë, Aleksandër Vuçi, i është kthyer sërish çështjes së Ushtrisë së Kosovës, duke thënë se nuk e kupton pse “presidenti i Kosovës insiston dhe i ngutet kaq shumë për formimin e të ashtuquajturës ushtri”.
Në pyetjen se a pret ndihmë nga BE-ja rreth tentimit të Kosovës që t’i regjistrojë në pronësi të Kosovës pronat e paluajtshme të ish-Jugosllavisë, Serbisë dhe të Krahinës Autonome të Kosovës, Vuçiq tha se kjo nuk është çështje e ndihmës por “është koha që edhe BE-ja të sqarojë nëse ka diçka të vërtetë apo jo, rrjedhimisht nëse dikush e ka shkelur marrëveshjen apo jo”.
Vëzhguesit në Serbi thonë se zgjedhjet presidenciale do të jenë një sprovë për kryeministrin aktual dhe orientimin e tij drejt integrimeve evropiane.
Ai do të përballet më të paktën edhe 13 kandidatë të partive tjera politike, përfshirë edhe ish shefin e tij, udhëheqësin e radikalëve serbë, Vojislav Sheshel.
Ndonëse roli i presidentit është kryesisht ceremonial, nëse ai kontrollon shumicën parlamentare atëherë ai mund të ushtrojë ndikim në madh mbi qeverinë dhe kryeministrin e ardhshëm.
Serbia vazhdon të kundërshtojë pavarësinë e Kosovës, por është përfshirë në një proces bisedimesh për normalizimin e marrëdhënieve në shkëmbim të afrimit me Bashkimin Evropian.
(M.D/ Shuplaka)
Discussion about this post