Barcelona i është kthyer fitoreve, pas humbjes në xhiron e shkuar nga Deportivo La Coruna.
Barcelona ka arritur të rikthehet te fitorja në La Liga duke mposhtur në shtëpi me rezultatin 4-2 Valencian në ndeshjen e vlefshme për javën e 28.
Mangala kaloi miqtë në avantazh në minutën e 29, por Suarez ktheu baraspeshën në minutën e 35-të. Në minutën e 44-t Mangala shkaktoi penallti dhe u ndëshkua me karton të kuq, ndërsa në minutën e 45-të Mesi e shndërroi në gol penalltinë duke përmbysur shifrat.
Megjithatë vetëm një minutë më vonë Munir El Hadadi riktheu baraspeshën duke shënuar për Valencian.
Në pjesën e dytë Barcelona në superioritet numerik e rriti presionin ndaj kundërshtarit dhe arriti të shënonte 2 herë të tjera me anë të Mesit në të 52-tën dhe Gomesit në të 89-n.
Me këtë fitore, Barcelona ngjitet në kuotën e 63 pikëve duke mbajtur vendin e dytë të renditjes me 2 pikë diferencë nga Reali kryesues që ka zhvilluar një ndeshje më pak. (M.D/ Shuplaka)
Discussion about this post