Duket se do të rezultojë e shkurtër aventura e ish-zëvendëstrajnerit të Kombëtares Shqiptare Tramezani te Lugano në Zvicër. Ditët e fundit situate nuk paraqiotet aspak e mirë ku skudra ka humbur të dyja ndeshjet.
Për Tramezanin janë hedhur kritika edhe nga kolegët apo teknikë me eksperiencë në Zvicër të ciloët thonë se italiani nuk ka ditur ti menaxhojë mirë situatat.
Presidenti i Luganos Anxhelo Renxeti është i njohur për shkarkimin e trajnerëve edhe atëherë kur është shprehur me superlativa për ta.
Bindja është rritur pas fjalëve që Renxeti lëshoi sot, kur u intervistua pas humbjes 2-0 përballë Jang Bojz. “Më duhet të them se në këtë periudhë të fundit skuadrës i ka munguar siguria, në çdo ndeshje ndryshohet formacioni, ka rotacion. Por mendoj se para se të bëhen gjëra të tilla, duhet të krijosh disa siguri”, tha ai.
“Nuk mund të ankohem për mënyrën se si zhvillohen stërvitjet apo raportet brenda skuadrës, por trajneri nuk arriti ta shpjegonte humbjen ndaj Tun. Ajo dalje me lojtarët te fabrika e bojës është diçka relativisht e rëndë, pasi është bërë pa një dakordësi me klubin, më duket diçka e ekzagjeruar. Më duket se po i bëjmë dëm vetes, do të më duhet mua të ndërhyj”, deklaroi Renxeti, dukshëm i acaruar me situatën.
Edhe përgjigja e Tramexanit nuk duket e llojit ku njëra palë mundohet të qetësojë situatën e krijuar. “Unë fle gjumë i qetë, edhe nëse presidenti është i inatosur”, tha ai. “Presidenti e di që mund të vijë të flasë me mua sa herë që do”, ishin fjalët e trajnerit i cili po zbulon pak nga pak se eksperienca jashtë hijes së De Biazit nuk është aq e thjeshtë sa e mendonte. (E.K/SHUPLAKA)
Discussion about this post