Pak ditë pas humbjes së bashkëshortit, Irma Libohova mes lotësh ngjitet në skenë: Do këndoj këngën më të dashur të tij (VIDEO)

Irma Libohova është ngjitur në skenë vetëm pak ditë pas ndarjes nga jeta të bashkëshortit të saj.  E përlotur dhe e hidhëruar ajo ka kënduar këngën më të dashur  të bashkëshortit të saj, “Një jetë me ty”. 

Irma ka performuar përpara publikut në Teatrin ‘Aleksandër Moisiu’. 

“Të dashur miq, besoj që e kemi marrë vesh, që unë para pak ditësh kam humbur bashkëshortin. Kjo është dalja e parë që unë kam bërë pas humbjes së tij.

Mirëpo jeta kështu është dhe jeta do të vazhdojë dhe duke qënë që t’i qëndroj larg vëmëndjes së mediave, që hidhërimin tim ta mbaj përvete se ashtu donte bashkëshorti im i cili  më thoshte gjithmonë: Gëzimin ndaje me të tjerët, hidhërimin mbaje për vete. 

Do këndoj sot një këngë që ai e ka dashur shumë, është kënga “Një jetë me ty”. Do ta këndoj këtë këngë që ai ta dëgjoj atje lart në qiell ku është dhe unë lutem për shpirtin e tij.”, u shpreh Irma Libohova. 

(J.V/Shuplaka)