Me urgjencë e thërrasin në komisariatin e Patosit. Napoloni, aktivisti i ”Nismës Thurje” që organizoi protestën e Zharrëzës, banorëve të së cilës qeveria u plotësoi kërkesat është thirrur befasisht në polici.
”Sot Napoloni, nje nga aktivistet e Nismes Thurje qe organizoi dhe shoqeroi marshuesit e Zharrezes, eshte thirrur dhe mbajtur 3 ore ne Komisariatin e Patosit dhe ndaj tij ka filluar procedimi penal per “Marshim te jashteligjshem”. Policia pretendon se ecja me kembe ne rruge eshte e jashteligjshme dhe e denueshme ne Republiken tone.
A ka gjest me qesharak? Kujt i sherben policia?
Ne vend qe te procedoje ata qe shkaterruan qindra shtepi ne Zharrez, procedon ata qe protestuan?
Ne vend qe te procedoje ata qe ndoten token, ujin dhe ajrin per mijera banore, procedon ata qe e kundershtojne kete gje?
Ne vend qe te procedoje ata qe vjedhin pasurite kombetare, procedojne ata qe gjejne guximin te perballen me ta?
Kujt i sherben policia? Qytetareve apo hajduteve?
Nese mendojne se do na ndalin, e kane shume gabim. Arrestimet, procedimet, kercenimet na tregojne vetem nje gje: Se kemi te drejte!
Napoloni dhe aktiviste te tjere sot do te jene me banoret e Verrise te cilet kundershtojne mafien e plehrave e cila kerkon te zaptoje tokat e Myzeqese per ti shnderruar ne varreza ku depozitohen dhe digjen plehrat e rrezikshme. Do te jene aty me banoret per te luftuar per te drejten. Per shendetin. Per jeten!
Kete beteje ne fund do e fitojne qytetaret!!!”, jep detaje ”Nisma Thurje”.
Ditë më parë një tjetër aktivist i ”Nisma Thurje” Besjan Pesha u thërrit në Komisariatin e Policisë në Tiranë për të dhënë detaje për një protestë kundër çmimit të lartë të naftës që organizuan në Tiranë. Por kujtojmë se një tjetër protestë është duke u organizuar nga qytetarët në zonën Fier-Patos, që ka mbështetjen e ”Nisma Thurje”-s. (V.G/SHUPLAKA)
Discussion about this post