Gazetari Agim Xhafka nuk i ka rezistuar dot gjithashtu komentimit e situatës në të cilën gjendet së fundmi Presidenti i Republikës së Shqipërisë, Bujar Nishani, pas dekretimit të Xhafajt dhe replikave të ashpra me Zhitin.
Për të përshkruar të gjithë këtë situatë në të cilën Kreu i Lartë i Shtetit gjendet, gazetari sjell për analogji një anekdodë, personazhi i së cilës sipas tij ka shërbyer për personazhin e Pllatonit tek filmi “Përballimi”.
Përballë Pllatonit që bënte ç’i thoshin, por e atëherë kur bëri ç’mendonte e katranosi, Agim Xhafka vë Nishanin, për të cilin shprehet se “i erdhi goja keq”. Ndaj i kërkon të lerë Presidencën.
Shkrimi i gazetarit Agim Xhafka:
PLLATONI DHE NISHANI.
Tek filmi “Perballimi” u kujtohet Pllatoni,ai personazhi që bënte arkivole. Në fakt ka qënë person real. Quhej Taqo Babuci dhe jetonte në Korcë. Por ishte njeri që fuste hundët kudo,ose e bënin autor dhe për gjëra që ai as i kishte thënë e as i kishte menduar. Ndaj një ditë i propozuan të hypte në çati të kishës e te rrinte një orë pa folur. Do e shpërblenin me një mijë lekë të atëhershme që i bije afër 100 euro sot. Pllatoni pranoi menjëherë. Hypi lart e shokët lajmëruan nënën e tij se i biri ndodhej majë kishës e për dënim zoti ia mori gojën.
Shkoi e ngrata. I lutej të zbriste,i përgjërohej të fliste,qante e kërkonte falje prej zotit. Por ai nuk tundej,veç me dorë jepte shenja që ajo të largohej. Pas pak,nëna e pandehu si dënim të zotit e ia nisi kujes.Po e qante të birin sikur i kishte vdekur.
Më tej Pllatoni nuk duroi dhe bërtiti:
-Po më more një mijë lekëshin, moj e uruar!
Kështu ndodhi dhe me presidentin Nishani. E lanë të heshtë kaq vjet dhe kur po mendohej se mund të kthehej fuqishëm në PD ose mbase mund të ripropozohej,i erdhi goja keq. Një herë që tha se Xhafaj është xhelat,por e firmosa për ministër dhe një herë kur me fjalë rruge e bëri Zhitin spiun të sigurimit.
E humbe një mijë lekëshin,Pllaton Nishani,e humbe. Zbrit tani nga… presidenca!
(XH.A/SHUPLAKA)
Discussion about this post