Analisti i njohur Alfred Lela shprehet se koalicioni PS-LSI është kthyer në një koalicion antihistorik, kjo për shkak se sipas tij, 1/3 ka dalë kundër pjesës tjetër të mazhorancës. Ai i referohet deklaratave të fundit të ish-ministrit të Drejtësisë Ylli Manjani, si edhe Kreu i grupit parlamentar të LSI-së Luan Rama. Këto deklarata Lela i bëri i ftuar në emisionin “Top Story” të gazetarit Sokol Balla.
“Askush nga ekspontët tha të LSI-së nuk flasin pa lejen e Metës. Duhet thënë se Manjani ka folur ne një intervistë për një portal në vend për “Shuplakën”, tha Lela. Në intervistën për “Shuplaka-n”, Manjani deklaroi se ishte konsultuar me kreun e LSI-së Ilir Meta për çdo çështje, por ai as nuk e ka imponuar dhe as nuk e ka ndaluar.
Ndërkohë Lela shprehet se fakti që LSI e pranoi çështjen e kanabizimit pas tre vitesh e gjysmë, do të thotë që në koalicion duhet të ketë edhe një problem tjetër.
“Luan Rama, është i njëjti që doli dhe aprovoi raportin e DASH. Kemi LSI-në që aprovon, miraton ato që thuhen që ka drogë, kanabis, janë të vërteta. Dua të them, që koalicioni PD-LSI do të ishte antihistorik si lëvizje. Është joproduktiv, nuk i shkon as kohës as vendit, as trajtës politike, por në të vërtetë sot antihistorik është bërë koalicioni aktual.
Kujtojmë Ylli Manjanin dhe Luan Ramën, këto deklarata e kanë kthyer në ahistorik, alogjik, apolitik, kundër çdo kuptimi të mundshëm të ekzistencës politike. Ahistorik jo në kuptimin e kohës, i ka rënë premisa politike sepse 1/3 ka dalë kundër tjetrës. LSI del dhe thotë se Reforma në Arsim ka rënë, vendi është mbushur me kanabis, aprovon raportet e strukturave ndërkombëtare.
Këta që thonë që s’ka , e pranuan pas tre vitesh e gjysëm, mos ka edhe një problem tjetër, i bien mohit dhe nuk e pranojnë?!”, shprehet Lela.
Pjesë nga intervista e Manjanit për “Shuplaka-n”
Meqë po flisni për pakënaqësi, sa herë keni folur me Metën kur keni qenë ministër?
Aq herë sa duhej. Për cilën çështje?
Për sinjalet e pakënaqësisë së Ramës…
Për secilën çështje patjetër që unë kam folur me Metën.
Dhe cila ka qenë këshilla e Metës?
Shikoni, me Metën kam biseduar dhe kemi qenë në pozita shumë dialoguese, jo në pozita ”bëj këtë, të them këtë” dhe Meta nuk e ka pasur këtë sjellje me mua, duhet ta pranoj këtë gjë. Meta ka qenë shumë tolerant, shumë i hapur dhe në asnjë rast nuk më ka thënë mua se çfarë të them.
A ja u ka shprehur shqetësimet e Ramës?
Patjetër. Por asgjë nuk më ka thënë. Unë kam vazhduar atë që kam menduar. Për të vazhduar atë që unë e quaj ”stekë” të sjelljes zyrtare, politike dhe publike të një ministri. Dhe kjo është e vërteta e kësaj: ne nuk kishim asgjë, as për të humbur, as për të ndarë, as për të fshehur. (D.D/Shuplaka)
https://www.youtube.com/watch?v=QtNVq9gx4UA&feature=youtu.be
