I ftuar në emisionin “Opinion” të gazetarit Blendi Fevziu, këshilltari i kreut të parlamentit, Lorenc Vagjeli shprehet se koalicioni mes PS-së dhe LSI-së është funksional pavarësisht deklaratave dhe kundërdeklaratave midis dy palëve.
“Momentet e para kur shikoje mundje wrestling, në Tiranë i thonim keç, dukej sikur ata e shpartallonin njëri-tjetrin, e thërrmonin njëri tjetrin. Ka qenë zhgënjim i madh për të gjithë kur zbuluan se ishte një shfaqje. Edhe politika është një shfaqje, një shoë. Koalicioni është ende funsional, ende komplementar, pritet të konfirmohet ose jo është çështje ditësh. Gjykuar në reformat e bëra, apo strategjike siç i quante Rama, kanë funksionuar.”, tha Vangjeli.
Këshilltari i Metës ka një përgjigje për deklaratat kundër njëra-tjetrës të partive në koalicion, kanë të bëjnë me sukseset dhe dështimet.
“Pjesa e deklaratave dhe kundër deklaratave të minstrarve publike ka të bëjë me një llogari që fillon dhe mbaron te ajo. Sepse ata janë aksioner në sukseset e kësaj qeverisje dhe nuk po të njëjtët aksioner për dështimet e kësaj qeverisje”, shton Vangjeli.
Fevziu e ngacmoi Vangjelin duke e pyetur se përse deklarata aq të forta publike nuk kanë ndodhur në perudhën e koalicionit me PD-në. Mirëpo ai u përgjigj se kjo ndodhte ngaqë Partia Socialiste është më e hapur.
“Ka të bëjë edhe me natyrën ndryshme të ministrave të Berishës edhe të Ramës. Akuza që i është bërë Metës është se pse nuk ka bërë opozitë me Berishë, në fakt nuk ka qenë kështu, por stili i të bërit opozitë brenda qeverisë atëherë është bërë i ndryshëm”, shtoi Vangjeli. (D.D/Shuplaka)
Discussion about this post