Ish-kryeministri Sali Berisha në një intervistë për Berat Buzhalën në emisionin “Komitet”, deklaroi se në vrasjen e Azem Hajdarit është implikuar edhe nipi i Skënder Gjinushit. Sipas Berishës, nipi i Gjinushit është vrarë më pas në Itali.
Por i kontaktuar nga dritare.net, Gjinushi thotë se nipat e tij nuk kanë qenë në atë kohë në Shqipëri dhe e quan Berishën kriminel dhe kërmë të UDB-së.
“Merreni akoma me karagjoza. Berisha është kriminel karagjoz. Ai është një kërmë politike. Nipat e mi janë jashtë shtetit, kanë 20 vjet. Nipat e mi janë shëndoshë e gjallë, nuk i ngjajnë fare rastit në fjalë. Nuk kanë qenë në Shqipëri në ato vite. Dhe kush e ka bërë vrasjen e di mirë gjithë Shqipëria. Le ta sqarojë ai me shokë. Mos u merrni me UDB-në dhe me kërmat e UDB-së”, thotë Gjinushi.
(J.V/Shuplaka)
