Prej katër vitesh banorët e fshatit Bixëllit në Funar të Elbasanit vuajnë nga rrëshqitjet e vazhdueshme të tokës, çka është kthyer në një problem tejet të rëndë për ta për shkak se rrezikojnë t’u shemben shtëpitë.
Banorët ankohen se shqetësimin për erozionin e tokës e kanë ngritur dhe në Bashki, por pavarësisht kësaj bashkia ende nuk ka marrë asnjë masë.
Bëhet fjalë për rreth 200 familje në fshatin Bixëlle në njësinë administrative Funar, të cilët ankohen se shtëpitë u janë dëmtuar për shkak të rrëshqitjes së tokës nga erozioni.
Megjithatë, bashkia e Elbasanit shprehet se arsyeja e mosmarrjes së masave është për mungesë fondesh. Po pavarësisht kësaj, bashkia këtë rast e ka raportuar te Drejtoria e Emergjencave Vendore në Prefekturë. (D.D/Shuplaka)
Discussion about this post