”Fasadat shtrihen në pedonale, lagjet e tjera të Korçës skenë krimi”

Deputetja demokrate Eleina Qirici reagon kundër fasadave të ngritura në Penonale, Bulevardin Republika, si edhe në sheshin e Pazarit.

Sipas deputetes demokrate, këto fasada i jepen qytetarëve nga bashkia si për të kullotur sytë apo për të harruar hallet. Ndër të tjera Qirici i bën thirrje kryebashkiakut të Korçës, që të ndërhyjë urgjentisht edhe në lumin e Korçës, i cili është i ndotur dhe përbën rrezik për qytetarët.
“Korçë, mars 2017.

Fasadat e Bashkisë shtrihen në Pedonale, Bulevard Republika, tani dhe në sheshin e Pazarit pa pazar. Zonat, lagjet dhe rrugët e tjera të Korçës janë thuajse një ‘Skenë Krimi’, megjithëse kjo është Korça ku vazhdojnë dhe jetojnë banorë të lënë tërësisht pas dore.

Fasada, varfërisë i jepen tablo për të kullotur syrin, si për të harruar hallet, si për të bërë ndonjë shëtitje në shmangie të depresionit. Kryebashkiak, të bëj thirrje të ndërhysh urgjentisht në lumin e Korçës, që është kthyer në vatër sëmundjesh, sidomos tani që vjen stina e ngrohtë. Hiq mbetjet, pastro plehrat dhe fillo punën, lëri fasadat. Qytetarët e mi, përzgjedhja juaj nuk gjykohet kurrë dhe pranohet si e duhura, por mjer kush ju gënjen, kush ju nëpërkëmb, kush ua keqpërdor përzgjedhjen dhe mjer kush nuk ju përfill. #KorçaNgrihet”, shkruan Qirici. (D.D/Shuplaka)