Po qarkullon së fundmi lajmi se këngëtarja Soni Malaj, e cila u përfol rreth një vit më parë për hapjen e një lokali së bashku me bashkëshortin e saj, rezulton pronare e vetme e një biznesi në QKR.
Nuk dihet se si qëndron e vërteta, por ajo u përfol para një viti për hapjen e lokalit “Sophie”. Ndërkohë që ajo po përflitet për një biznes të hapur diku në rrugën “Myslym Shyri”.
Por Soni Malaj nuk është e vetmja që i është future botës së biznesit. “Shuplaka” iu sjell në vëmendje disa prej figurave të njohura të ekranit që kanë hapur tashmë bizneset e tyre, dhe bëhet fjalë për femra.
Këto ditë, këngëtarja dhe aktorja Rozana Radi është përfolur gjithashtu për hapjen e një dyqani veshjesh, të quajtur “Rose”.
Këngëtarja tjetër Jonida Maliqi, prej disa vitesh tashmë, ka dyqanin e saj të këpucëve, të quajtur “Unique Shoe Shop”. Nga ana tjetër, Elvana Gjata, vitin e kaluar u bë pjesë e një biznesi të rëndësishëm siç është biznesi i fustanëve “Altar”, ndërkohë që vetëm pak muaj më parë u përfol se e ka shitur.
Edhe Armina Mevlani, prej disa vitesh tashmë i është future botës së biznesit. Ajo është pronare e dyqanit me veshje “Delirium” ku merr brande të ndryshme ekskluzive.
Një dyqan veshjesh ka edhe këngëtarja Zajmina Vasjari. Prej rreth një viti tashmë, ajo është një tjetër personazh i shoëbizit tonë që i është futur biznesit.
Aktorja Jonida Vokshi një tjetër bukuroshe që u përfol kohët e fundit për hapjen e një lokali në emër të saj.
Ndërsa moderatoret Amarda Toska, Alketa Vejsiu dhe këngëtarja Rezarta Shkurta, i janë përkushtuar tërësisht botës së dasmave dhe eventeve të ndryshme. Së fundmi, Rezarta Shkurta veç përkushtimit ndaj sesioneve fotografike, u është përkushtuar edhe veshjeve për evente të veçanta, përfshirë fustanet e nusërisë.
(XH.A/SHUPLAKA)
Discussion about this post