Komisioni Qendror i Zgjedhjeve me 7 vota pro, ka vendosur t’i japë mandatin e deputetit kandidatit të radhës në listën shumëmërore të Partisë Lëvizja Socialiste për Integrim, Qarku Lezhë, Petrit Gjoni. Ky vendim erdhi pas largimit të Armando Prengës si deputet.
Duhet të theksojmë që Partia Socialiste nuk kishte më përfaqësues në listën e saj në qarkun e Lezhës, ndaj mandati i kaloi grupit parlamentar të LSI-së, pra Petrit Gjonit.
LSI bëhet kështu duke e çuar në 19 numrin e deputetëve në Parlament.
Deputeti Gjoni ka treguar për gazetën shqiptare se një gjë e tillë ishte i pritshëm.
“Mandati erdhi tek LSI për shkak te zhvillimeve brenda Partisë Socialiste. I takon atyre të komentojnë një gjë të tillë. Ishte një mandat i pritshëm, pasi 2/3 e këtij mandati, LSI e ka pasur me vota që në 2013-ën. Dhe ishte një vlerësim edhe i votave të LSI. Pavarësisht legjislacionit, Kodit zgjedhor që nuk është i drejtë në përllogaritjen e votave të partive politike”, tha Gjoni.
(J.V/Shuplaka)
