Është shkatërruar banda e grabitësve të lokaleve në kryeqytet, duke ndaluar katër persona. Tre shtetas u arrestuan në flagrancë, ndërkohë që një 19-vjeçare do të procedohet në gjendje të lirë.
U arrestuan shtetasit: Ilir Rrasa, 40 vjeç, Elirjan Rrasa, 23 vjeç, Agim Hajdari, 45 vjeç, banues në Tiranë, i dënuar më parë.
Gjatë kontrollit të ushtruar në lokalin e ketij të fundit të marrë me qera në rrugën “Shyqyri Ishmi” është gjetur dhe sekustruar në cilesinë e provës materiale një televizor i markës “SAMSUNG 42″, i cili rezultoi se ishte televizori i vjedhur në lokalin e shtetasit A. D.
Do të procedohet penalisht: M. Rr., 19 vjeçe, banuese në Tiranë, proçeduar për veprën penale të “Pastrim i produkteve të veprës penale ose veprimtarisë kriminale, fshehja dhe mbulimi i tyre”.
Detaje të Policisë së Tiranës:
Në bazë të hetimeve procedurale është arritur të dokumentohet me prova ligjore se këta shtetas janë autorë të ngjarjeve si më poshtë:
1- Më datë 27.03.2017, në lagjen Çollakë, në pronësi të shtetasit A. G., ku kanë marrë një televizor të markës “SAMSUNG” 42’’, disa pije të ndryshme dhe shumën monetare prej 10.000 mijë lekë të reja.
2- Më datë 09.01.2017, në “Qytet Studenti”, pranë Godinës Nr.23, kanë vjedhur motorin tip “Lifan”, në pronësi të shtetasit E. P.
3- Më datë 09.02.2017, në fshatin Ibë e Sipërme, është vjedhur me thyerje lokali në pronësi të shtetasit D. M., ku janë marrë tre televizor plazma të markës “Samsung” 37 polsh.
Gjatë kontrollit fizik te kryer dhe në banesat e shtetasve të lartpërmendur janë gjetur dhe sekuestruar në cilësinë e provës materiale:
– Një pistoletë “Blow Mini” me tre fishekë të kalibrit 6.35.
– Një televizor i markës “Samsung 42″
Materialet i kaluan Prokurorisë pranë Gjykatës së Shkallës së Parë Tiranë për veprat penale të “Vjedhjes së kryer në bashkëpunim” dhe “Përvetësim i sendeve të vjedhura”.
(XH.A/SHUPLAKA)
Discussion about this post