Ditë pas dite sasi të mëdha droge janë bllokuar në Vlorë me destinacion Italinë. Ditën e djeshme në karaburun policia ka bllokuar një gomone me 750 kilogramë kanabis sativa. Fillimisht ditën e djeshme u njoftua për 1 ton drogë po nga verifikimet e policisë rezultoi më pak.
Trafikantët të cilët transportonin drogën dyshohet të kenë qenë tre persona të cilët të ndihmuar nga errësira kanë përfituar duke u larguar.
DETAJET E POLICISË:
Policia realizon operacionin antidrogë të koduar “ALFA” ! Sekuestrohen 750 kilogramë lëndë narkotike Cannabis Sattiva në Gadishullin e Karaburunit dhe bllokohet një mjet lundrues !
Policia Kufitare Vlorë në bashkëpunim me DVP Vlorë dhe Delta Forcë, GdF kanë realizuar një operacion të përbashkët mbi bazën e të cilit kanë bllokuar një mjet lundrues në det si dhe një sasi të konsiderueshme me lëndë narkotike të dyshuar si Cannabis Sattiva pranë vendit të quajtur “Gjiri i Anglezit”, Karaburun.
Një pjesë e lëndës narkotike u gjet e ngarkuar në gomone ndërsa pjesa tjetër ishte e shpërndarë në breg të detit, në total 57 pako të përmasave të ndryshme, të mbështjella me plastikë dhe natriban. Mjeti lundrues tip gomone ka përmasat 7.2 m gjatësi dhe me dy motora të markës Yamaha 300 KF dhe 25 KF.
(E.K/SHUPLAKA)
Discussion about this post