Kufoma e gjetur në Spille vetëm dy ditë më parë nga policia, sot janë zbardhur detaje të reja. Sipas policisë kufoma i përket një mashkulli, 50 vjeç dhe vdekja e tij ka ardhur nga kontakti i trupit me ujin e ftohtë.
Por duhet të thekojmë që ditën e sotme, në afërsi të zonë ku u gjet trupi i pajetë i 50-vjeçarit në det është gjendur një çantë ku në brendësi të saj është gjetur dhe sekuestruar në cilësinë e provës materiale 44 kilogramë hashash. Mesa duket vdekja e tij është një mister pasi ndoshta mund të ketë lidhje edhe me trafikimin e lëndëve narkotike.
“Ditën e sotme rreth orës 11:30, në një distancë rreth 5.5 milje detare nga bregdeti i plazhit Spille, në det është gjendur një çantë ku në brëndësi të saj është gjetur dhe sekuestrua në cilësinë e provës materiale 44 kg, lëndë e dyshuar narkotike e llojt Cannabis Sattiva. Punohet për identifikimin dhe kapjen e autorit. Parashikuar nga Neni 283/a i Kodit Penal.”, thuhet në njoftimin e policisë.
Duhet të theksojmë që viktima i seksit mashkull u gjet nga një anije peshkimi në det. Vendodhja gjeografike e trupit të të ndjerit ishte 10 milje larg Kepit të Seviljes.
(J.V/Shuplaka)
