Ditën e sotme një portal amerikan pranë presidentit publikoi një lajm mbi vizitën e liderit demokrat Basha në Washington. Ndër të tjera përmendej dhe fakti se kryeministri Rama është një nga njerëzit më të besuar të Soros-it në Ballkan.
Duhet thënë se kjo media ka një lidhje të veçantë me drejtuesin e fushatës zgjedhore të Trump Stephan Bannon ose i njohur edhe si Steve.
Ai është një nga njerëzit më të besuar të Trump dhe ka mbajtur postin e drejtorit ekzekutiv te ‘’ Breitbart News’’, portal i themeluar përpara 10 vitesh.
Duhet thënë se ai ka korrur shumë sukses gjatë fushatës së Trump duke mundur edhe mediat më prestigjoze si CNN.
Nuk dihet nëse deklarata e Ramës kundër zgjedhjes së Trump ka arritur deri në Amerikë, por dimë të themi që kjo media e afërt me Trump implikon kryeministrin shqiptar me Sorosin.
PJESË NGA SHKRIMI I MEDIAS AMERIKANË KU PËRMENDET NDIKIMI I SOROS-it dhe RAMA:
Rama ka shërbyer si anëtar i bordit të Fondacionit Soros në Shqipëri dhe Soros ka financuar një program 2-vjeçar të hartuar për transformimin politik të vendit.
Senatori republikan Mike Lee është i shqetësuar për financimin nga programet e Departamentit të Shtetit të ndikimit të Soros në Shqipëri dhe vendet e tjera, sa ai i dërgoi më 14 mars një letër Sekretarit të Shtetit Rex Tillerson, të bashkëfirmosur nga senatorët James Inhofe, Tom Hillis, Ted Cruz, David Perdue dhe Bill Cassidy.
“Gjatë muajve të fundit, zyrtarë të zgjedhur dhe udhëheqës politikë të vendeve të huaja më janë drejtuar me lajme dhe raportime zhgënjyese rreth aktivitetit të Shteteve të Bashkuara në vendet e tyre përkatëse,” shkruajti Lee. “Këto përfshijnë raportime mbi diplomatë që mbajnë anë politike, mbi mbështetje me fonde nga USAID të aktivitete ekstreme dhe ndonjëherë të dhunshme politike, si dhe mbi aktivitete të qeverisë së Shteteve të Bashkuara për të mënjanuar të moderuarit dhe konservatorët nga rolet drejtuese”.
Kryeministri shqiptar mund të jetë gjithashtu edhe drejtuesi më i spikatur anti-Trump në Europë. Edi Rama deklaroi në CNN se mundësia e Trumpit president ishte tmerruese.
Në prill 2016, Rama i tha Zërit të Amerikës:
“Besoj se ata në Shqipëri që zgjodhën Trumpin para meje, pavarësisht dallimeve mes tyre dhe meje, duhen mëshiruar. Mes Lulzim Bashës dhe Trumpit unë do të zgjedh gjithmonë Lulzim Bashën, ndonëse unë nuk do të votoja kurrë për Lulzim Bashën, në asnjë rrethanë dhe për asnjë arsye, për asgjë. Sidoqoftë, nuk është problemi im që Lulzim Basha, apo kushdo tjetër, zgjedh Trumpin para meje. Eshtë problemi i tyre”.
(E.K/SHUPLAKA)
