Një nga krisjet më të mëdha që ka pasur koalicioni qeverisës ka qenë lufta kundër kanabisit. LSI vazhdimisht është shprehur se duhet bërë më shumë punë në këtë drejtim, me akuzat të bëra fillimissht nga ish-ministri i Drejtësisë Manjani dhe më pas Luan Rama, kreu i Grupit Parlamentar.
Ndërkohë që lëvizja e Ramës ishte edhe shkarkimi i Tahirit edhe pse nuk u pranua kurrë që erdhi për shkak të akuzave për drogën. Në krye të njësisë anti kanabis është vendosur zëvendëskryeministri Peleshi.
Ditën e sotme ai deklaroi se në luftën kundër kanabizimit të vendit përvecc policisë do të përfshihen edhe institucione të tjera në vend.
Duhet thënë se ky duket si një hap pas i bërë nga qeveria. Fillimisht Peleshi u përfol që të merrte postin e Ministrit të Brendshëm po më pas u pa e nevojshme që ai të fokusohej në pozicionin kycc të njësisë antikanabis.
“Duke filluar nga ky vit, Policia e Shtetit, organet ligjzbatuese dhe të gjitha institucionet e tjera që kanë lidhje do të angazhohen në një operacion të gjerë të kombinuar i cili do të sigurojë identifikimin e hershëm dhe goditjen që në gjenezë të përpjekjeve për kultivim apo trafikim.
Në shërbim të këtij operacioni, në përbërje të task forcës qendrore dhe të task forcave lokale do të jenë kapacitetet e policisë së shtetit, të shërbimeve inteligjente, të ushtrisë, të bujqësisë, të mjedisit, të shëndetësisë, të pushtetit vendor, partnerët tanë ndërkombëtare etj.
Plani parashikon masa serioze ndaj të gjithë zyrtarëve, të nivelit qendror dhe lokal, të cilët nuk arrijnë të mbajnë nën administrim dhe kontroll efektiv territorin për të cilin janë përgjegjës. Po ashtu një proces vlerësimi apo një lloj vetingu ndaj zyrtarëve me përgjegjësi në këtë fushë do të shoqërojnë procesin në zbatim të planit”, deklaroi Peleshi. (E.K/SHUPLAKA)
