Ish-deputeti i LSI-së Shkëlqim Selami, i cili pak muaj më parë u shkarkua nga detyra për shkak të dekriminalizimit, uron sot Kryeministrin Edi Rama pasi ky i fundit u nderua nga presidenti francez me titullin “Komandant i Legjionit të Nderit!”
Urimin Selami e ka bërë përmes një komenti në “Facebook”, ku shkruan: “Urimet më të mira për ketë titull të lartë dhe të merituar! Nuk kam hallin tënd se nuk të bëjnë shumë përshtypje titujt, po kam hallin e hienave që do i lësh pa gjumë hahaaaa”.
Ndërkohë mes komenteve ka spikatur edhe urimi i deputetit socialist Fatmir Toçi, i cili shkruan: “Kur të nderon Franca shumëkush duhet të heshtë dhe të reflektojë… Ky është një nderim që pak shqiptarëve u është akorduar që nga koha e Napoleonit që e krijoi këtë titull të lartë, një vlerësim që i bëhet gjithë kombit shqiptar në këtë prag integrimi…”. (D.D/Shuplaka)
[ngg_images source=”galleries” container_ids=”1449″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
