Ivanka Trump edhe më pranë të atit, punonjëse në Shtëpinë e Bardhë

Që prej marrjes së pushtetit nga Donald Trump vajza e tij ka qenë një nga mbështetëset kryesore dhe njerëzit më të afërt të tij. Për të qenë më afër të atit madje ajo bleu dhe një shtëpi të re ku u shpërngul drejt Washingtonit.

Tashmë ajo pasi ka dëgjuar zërat kritikues, ka vendosur të bëhet punonjëse qeveritare në ditët e ardhshme, ka bërë të ditur një zyrtar i Shtëpisë së Bardhë për CNN.

Vajza e madhe e Presidentit Donald Trump do të jetë punonjëse pa pagesë në sektorin ekzekutiv të Shtëpisë së Bardhë.

“I kam dëgjuar shqetësimet që kanë disa për rolin tim këshillues për presidentin në kapacitetin personal, ndonëse duke respektuar vullnetarisht rregullat e etikës”, ka thënë Ivanka Trump nëpërmjet një komunikate. (E.K/SHUPLAKA)