Kreu i Grupit Parlamentar të LSI-së Luan Rama është shprehur dhe në lidhje me deklaratat e deputetit Spartak Braho për PDIU-në.
Në një shkrim dje për mediat Braho shprehej ndër të tjera se futja e PDIU-së në koalicionin qeverisës ishte një lëvizje e gabuar.
‘’Edhe veprimi i Partise Socialiste per futjen në qeverisje dhe koalicion të PDIU-së ndonëse u tha se ishte lëvizje taktike e Ramës, gjykoj se ishte e pamotivuar, e pakonsultuar dhe jashtë parimeve të Marëveshjes për Shqiperinë Europiane”, shprehej Braho.
Ndërkohë që sot Luan Rama u shpreh se LSI distancohet nga këto qëndrime dhe se Braho ishte shprehur nën statusin personal të tij.
‘’Është një qëndrim i vonuar dhe personal i zotit Braho pasi ne nuk e kushtëzojmë koalicionin me PS në sesa përtnerë përfshihen. Ne çmojmë të gjitha partitrë në vend ashtu siç çmojmë çështjen çame’’, deklaroi Luan Rama.
Ai tha gjithashtu se Braho nuk do të ndëshkohet përsa kohë që ai nuk foli në emër të LSI-së. (E.K/SHUPLAKA)
