Ambasadori i Shteteve të Bashkuara të Amerikës në Shqipëri, Donald Lu, ka marrë pjesë së fundmi në një ekspozitë që në qendër të vëmendjes kishte gruan dhe dhunën seksuale të ushtruar ndaj saj.
Në fjalën e tij, teksa fliste shqip, ambasadori Lu dha mesazhe të forta mbi rolin e gruas shqiptare, dhunën e ushtruar ndaj saj një njollë e shoqërisë sonë. Ai vendosi të flasë për rëndësinë e figurës së gruas duke treguar një histori me një vajzë shqiptare të dhunuar seksualisht në Itali.
Lu rrëfeu se si shqiptarja e re, viktimë e dhunës seksuale, gjeti forcën të tregonte përpara se të vdiste të gjithë tmerrin që kishte përjetuar. “Para se të vdiste, ajo rrëfeu historinë e saj. Më shumë se 100 mijë protestues u mblodhën duke dalë në mbrojtje të saj. Unë u takova me prindërit e vajzës, ishte një bekim i madh për mua që nuk kam për ta harruar. Të takoja ata prindër po aq të fortë sa vajza e tyre.”, u shpreh ai ndër të tjera.
Duke theksuar rëndësinë e figurës së gruas, ambasadori amerikan u shpreh se “për shumë kohë janë fajësuar viktimat dhe jo autorët”, duke vlerësuar kontributin e këtyre grave, punën e tyre për të kapërcyer këto raste.
(XH.A/SHUPLAKA)
Discussion about this post