Një javë pas një lajmi të gjatë kundër poetit Visar Zhitit, televizioni “Klan” sjell një tjetër kronikë nën siglën “ekskluzive”, ku raporton se ka zbuluar një dokument të vjetër të sistemit komunist, dokument të cilin Zhiti ia dërgonte autoriteteve të asaj kohë si një tentativë për të shpëtuar veten nga dënimi.
Në dokumentin e 21 prillit të vitit 1980, Zhiti shkruan:“Nuk kam qenë kundër vijës së partisë në poezitë e mia, por se aty ka vetëm gabime estetike”. Në këtë dokument Zhiti i drejtohet Gjykatës së Lartë të asaj kohe, për ndryshim të masës së dënimit të dhënë nga Gjykata e Kukësit.
Mirëpo, përpjekjet e një njeriu për të shpëtuar jetën, ky televizion i argumenton se Zhiti nuk paskësh qenë dissident dhe këtë e deklaron me fjalët e veta.
Kjo nuk është hera e parë që ky television realizon kronika kundër poetit, pasi të enjten e kaluar në lajmet e drekës raportoi se Zhiti ka qenë spiun.
Ndërkohë “TV Klan” përmend edhe një shkresë tjetër, ku Zhiti pranon se ka bërë gabime ideore dhe justifikohet me faktin se ka patur problem shëndetësore.
Këto sulme ndaj Zhitit kanë nisur që nga koha kur ish-poeti i burgosur deklaroi se ishte i gatshëm të përfaqësonte Shqipërinë në Vatikan si ambasador. (D.D/Shuplaka)
https://www.youtube.com/watch?v=Wkikk570Msk&feature=youtu.be
Discussion about this post