Kryetari i Partisë për Drejtësi, Integrim dhe Unitet, Shpëtim Idrizi ka bërë deklaratë të fortë nga Librazhdi, qyteti i rradhës që kishte zgjedhur për t’u takuar me strukturat dhe simpatizantët.
Nga ky qytet, Idrizi, partia e të cilit është në marrëveshje politike me PS-në, ndau mendimin se nevojitet që Rama dhe Basha të ulen në një tryezë dhe t’i japin zgjidhje krizës. Ai shprehu gatishmërinë e PDIU-së për t’u bashkuar dhe përfunduar reformën në drejtësi
Shpëtim Idrizi u shpreh nga Librazhdi se mbështet kërkesën e opozitës për garanci në zgjedhje, por mendon se para zgjedhjeve nuk mundet të kemi qeveri teknike.
“Rama e Basha të ulen në një tryezë t’i japin zgjidhje krizës. Të bëjnë një pakt kombëtar për zgjedhjet, të ngrihet grup prokurorësh pranë kqz. Duhet që partitë politike të hyjnë më vetë në zgjedhje. Le të bëhemi bashkë për të përfunduar reformën në drejtësi.
Të veprohet në raste blerje dhe transferimi të votave, ne partitë të depozitojmë komisionet dhe numëruesit. Opozita ka të drejtë kur kërkon garanci për zgjedhjet, por para tyre nuk mund të kemi dot një qeveri teknike.”, është shprehur ndër të tjera Shpëtim Idrizi.
(XH.A/SHUPLAKA)
Discussion about this post