Inspektorati Kombëtar i Mbrojtjes së Territorit ka dhënë një deklaratë zyrtare mbi shpërthimin e kontrolluar që pritet të kryhet ditën e nesërme, në orën 13:00, pranë kinoteatrit në Vlorë.
Kryeinspektorja e IKMT-së, Dallëndyshe Bici, bëri të ditur se janë dashur disa ditë për të punuar në trupin e këtij objekti dhe për të studiuar terrenin përreth.
Bëhet e ditur se në trupin e objektit janë hapur 600 vrima ku do të futen 40 kilogramë eksploziv.
Njoftimi i IKMT-së:
Kryeinspektorja e IKMT, Dallëndyshe Bici, ka caktuar ditën e shtunë (ora 13.00) për realizimin e shpërthimit të kontrolluar, për prishjen e objektit pesë katësh përballë kinoteatrit në Vlorë. Prej disa ditësh, ekspertët kanë punuar në trupin e këtij objekti, si dhe kanë studiuar terrenin përreth.
Specialistët shprehen se objekti paraqitej i vështirë për shkak të përmasës së kollonave, afërsisë me objekte të tjera, mungesën e mureve perinetrale dhe disa karakteristika të tjera teknike. Vetëm studimi për mënyrën e veprimit ka marrë dy ditë kohë.
Në trupin e objektit janë hapur 600 vrima, ku do të futen 40 kg eksploziv. Sipas specialistëve shpërthimi mund të arrijë në një rreze prej 150 metrash.
Banorët pranë këtij objekti, këshillohen që të mbajnë hapur dyert dhe dritaret në momentin e shpërthimit, me qëllim shmangien e thyerjes së xhamave nga forca goditëse.
(XH.A/SHUPLAKA)
Discussion about this post