Përfaqësuesja Speciale e Bashkimit Europian në Kosovë, Natalya Apostolova, shprehet e sigurt se nuk do të ketë mur në Mitrovicë. Këtë deklaratë, ajo e bëri teksa foli rreth punimeve në rindërtimin e urës kryesore mbi lumin Ibër dhe ndërtimin e zonës së këmbësorëve në pjesën veriore të qytetit.
“Të jeni të sigurt se nuk do të ketë mur për të ndarë pjesën e rinovuar të rrugës dhe urës mbi lumin Ibër. Në këtë moment kjo është në procesin e ndërtimit dhe për këtë them se ekzistojnë disa spekulime se atje do të ndërtohet një mur i ri, por që nuk është e vërtetë. Kjo është struktura e vetme që mbron zonën e këmbësorëve dhe nuk do të jetë më e lartë se 40-60 centimetra me lule të bukura dhe gjelbërim me standardet që ju mund t`i shihni në Evropën Perëndimore.”, është shprehur ajo.
Apostolova ka theksuar gjithashtu se përfundimi dhe hapja e madhe mund të pritet në muajt e ardhshëm, por nuk specifikon datën e saktë kur kjo mund të ndodhë.
(XH.A/SHUPLAKA)
Discussion about this post