Vetëm rreth dy orë më parë në media u raportua se në polici u shoqërua vëllai i ministrit Lefter Koka, Leonard Koka. Arsyeja kryesore e këtij shoqërimi është makina me të cilin u kap në lëvizje djali i Leonard Kokës, Renald Koka.
Renaldi Koka ka folur dhe ka dhënë versionin e tij për një ngjarje për Tirana post.al. Ai ka thënë se gjithçka është tendecioze dhe për këtë e drejton gishtin tek Drejtori i Policinë së Durrësit, Perlat Cullhaj.
“Isha duke ecur tej normave të shpejtësisë, tek zona e ish- Kënetës, ndoshta isha 90 km në orë. Isha vetëm, pa babin, në makinë ku polici më ndaloi dhe më shoqëruan tek pika e bllokimit të makinave. Babi erdhi për tu interesuar dhe meqë në një rast tejkalimi të shpejtësisë thjesht të merret patenta sipas ligjit që unë di, ata nuk kishin pse të më bllokonin makinën. Babi nuk ka bërë sherr thjesht kërkuam të na linin makinën dhe që të kalonte sipas rregullit me bllokim patente dhe gjobë. Ata nuk kanë pse të më bllokojnë makinë. Por ne e dimë që kjo është tendencioze me ne nga ana e Drejtorit të Policinë së Durrësit, Perlat Cullhaj. Ai kapet gjithmonë me ne dhe me mua dhe me vëllain tim. Është e disata herë që kërkon të nxjerr problem për gjënë më të vogël. Sa herë që kalojmë ne ai njofton që të na ushtrojnë kontrolle policët. Nuk kam patur asnjë problem me dokumentacionin. Jemi gjithmonë të rregullt. Nuk kam patur asnjë gjobë”, u shpreh Renald Koka.
Ai më tej ka treguar se babai i tij është në Komisariat dhe se Renaldi është duke e pritur jashtë.
Pyetjes se çfarë i tha Leonard Koka policit që e shoqëruan në Komisariat ai u përgjigj: Asgjë, as sherr asgjë. Nuk i tha ndonjë gjë të madhe…Asgjë nuk ndodhi. Po kërkonte të mos bllokonte makinën. Vetëm kaq. Nuk ndodhi asgjë e madhe. Po jua them edhe njëherë që mund të na bllokonin patentën dhe të paraqitesha në komision si për të gjithë. E ka tendencioze drejtori i policisë së Durrësit ne e dimë.
(J.V/Shuplaka)
Discussion about this post