Garda e Republikës ka pezulluar sot një punonjës të saj për shkak se dyshohet se ka kanosur me armën e shërbimit një qytetar, për motive të dobëta pas një konflikti.
Sot rreth orës 14.30 punonjësi i Gardës rreshter K.N., sipas kallëzimit, ka kanosur me armën e shërbimit një shtetas pranë një lavazhi makinash.
Në lidhje me ngjarjen, shtetasi në fjalë ka bërë kallëzim pranë Komisariatit të Policisë nr. 3.
Policia ka bërë shoqërimin e punonjësit të Gardës, duke kryer veprimet procedurale për të tilla raste.
Punonjësi i Gardës është pezulluar nga detyra në bazë të rregullores deri në përfundim të hetimit penal.
(M.D/ Shuplaka)
Discussion about this post