07:13 | 28/05/2025
Nuk ka rezultat
View All Result
FaxWeb
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
Nuk ka rezultat
View All Result
FaxWeb
Nuk ka rezultat
View All Result
Fillimi Ekonomi

Shpëtohen nga TAP: Investimet e huaja arritën në gati 1 miliard euro

20:45 | 31/03/2017
në Ekonomi, Te Fundit, Te Gjitha
0
Shpëtohen nga TAP: Investimet e huaja arritën në gati 1 miliard euro

Investimet për gazsjellësin TAP kanë sjellë rreth 40% të totalit të Investimeve të Huaja Direkte për vitin 2016, duke amortizuar tkurrjen e ndjeshme të industrisë nxjerrëse…

Investimet e huaja arritën në 983 milionë euro në vitin 2016, duke arritur në një nivel rekord, sipas statistikave të publikuara nga Banka e Shqipërisë.
Në raport me vitin 2015, Investimet e Huaja Direkte janë rritur me 10%.

Sipas tremujorëve, pas një gjysme të parë të vakët, investimet e kanë marrë veten, si rrjedhojë e fillimit të punës nga gazsjellësi TAP. Niveli më i lartë është konstatuar në tremujorin e tretë, me 303 milionë euro (shih grafikun).

Banka e Shqipërisë ka publikuar për herë të parë edhe të dhëna të detajuara tremujore lidhur me shtetet nga vijnë investimet kryesore dhe llojin e aktivitetit ekonomik të cilit i përkasin.

Për vitin 2016, sipas të dhënave, shteti i origjinës për investitorin më të madh me 596 milionë euro, ose 60%, nuk jepet për arsye konfidencialiteti (këtu përfshihet kryesisht TAP, që është një projekt konsorcium i shumë shteteve). Investitori i dytë është Holanda, me 97 milionë euro, i treti Turqia, me 66 milionë euro dhe i katërti Greqia me 46 milionë euro.

Sipas aktivitetit ekonomik, sektori që ka tërhequr më shumë investime është ai i energjisë dhe gazit, që i referohet kryesisht investimeve nga gazsjellësi TAP, që filluan në vitin 2016 dhe pritet të kulmojnë në 2017-n. Pjesën më të madhe të investimit të gazsjellësit e zë vlera e tubave, që futen nën tokë dhe nuk kanë vlerë të lartë të shtuar në ekonomi. Investimet në energji dhe gaz janë rritur me 183%, duke arritur në 369 milionë euro, ose gati 40% e totalit.

Rritja e investimeve në këtë fushë ka amortizuar tërësisht rënien e fluksit në industrinë nxjerrëse, me 71% me bazë vjetore në 2016-n. Si rrjedhojë e koniunkturës së pafavorshme të çmimeve të naftës dy vitet e fundit, investimet në industrinë nxjerrëse, që zinin peshën më të madhe ndaj totalit, ranë nga 504 milionë euro në 2014-n, 323 në 2015-n dhe vetëm 92 milionë euro në 2016-n, ose 9% e totalit, nga 58% që ishte kjo peshë në 2014-n.

Investimet në sektorët e tjerë ishin minimalë, si shërbimet financiare (kryesisht në kapitalin e bankave) me 76 milionë euro, nga 80 milionë euro një vit më parë dhe ato në pasuritë e paluajtshme me 50 milionë euro, që janë dyfishuar në raport me një vit më parë.

Edhe në 2017-n, investimet priten rekord, por…

Investimet e Huaja Direkte në vitin 2017 pritet të arrijnë nivel rekord në Shqipëri, si rrjedhojë e projekteve të mëdha, sipas agjencisë vlerësuese Standard & Poor’s (S&P). Në vlerësimin e fundit për Shqipërinë, S&P thotë se “duke pasur parasysh se pjesa më e madhe e projektit TAP do të ekzekutohet në 2017, ne vlerësojmë se fluksi i

Investimeve të Huaja Direkte (IHD) do të arrijë në mbi 11% të PBB-së në 2017-n. Flukse të tjera hyrëse të investimeve të huaja janë të lidhura me sektorin e energjisë, veçanërisht projektet në ndërtimin e hidrocentraleve”.

Sipas tabelave të S&P, investimet në raport me PBB-në në 2017-n pritet të arrijnë në 11.2%, nga 9.5% në 2016-n, ndërsa më pas do të bien në 10% të PBB-së në 2019-2020.
Por S&P paralajmëron se kjo rritje po vjen si rrjedhojë e projekteve të mëdha dhe që vendi duhet të bëjë përpjekje për të tërhequr investime të tjera.

“Gjithsesi, ne shikojmë një rrezik që fluksi i madh i projektuar i IHD-ve mund të bjerë në vitet e ardhshme. Përmirësimi i mjedisit institucional do të ndihmonte duke tërhequr një bazë të gjerë të IHD-ve në vitet në vijim”, rekomandon S&P.

Sipas S&P dhe burimeve nga TAP, investimet në total në Shqipëri vetëm nga ky investim pritet të arrijnë në 1.5 miliardë euro.
Përqendrimi më i madh i tyre do të jetë në 2017-n, kur sipas burimeve nga TAP do të arrijnë në 400-450 milionë euro, shumë kjo që është e barabartë me gati gjysmën e investimeve të huaja që merr Shqipëria mesatarisht në një vit. (në 2015-n, IHD-të ishin rreth 890 milionë euro)./ Revista Monitor

[ngg_images source=”galleries” container_ids=”1466″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]

Etiketa: euroinvestimeTAP
Pas

Leonard Koka pyet për arsyen e shoqërimit në polici, përgjigja që merr: Ta themi më vonë! (AUDIO)

Para

Fakti i dytë kundër Paulin Sterkajt, si po e “lufton” Edi Rama brenda PS-së (FOTO)

Para
Fakti i dytë kundër Paulin Sterkajt, si po e “lufton” Edi Rama brenda PS-së (FOTO)

Fakti i dytë kundër Paulin Sterkajt, si po e "lufton" Edi Rama brenda PS-së (FOTO)

Discussion about this post

 



Të Fundit

Izraeli merr dërgesën e 800-të të ndihmës ushtarake amerikane në 600 ditë lufteIzraeli merr dërgesën e 800-të të ndihmës ushtarake amerikane në 600 ditë lufte

E rëndë në Meksikë/ Gjenden 17 trupa brenda një shtëpie në shtetin më të dhu*shëm të vendit, Guanajuato

Trump i jep goditjen e fundit Harvardit, anulon kontrata federale me vlerë 100 mln dollarë

Marrëveshja me Italinë, anija ushtarake ‘Spica’ niset drejt Shqipërisë me 30 emigrantë

Administrata Trump do të monitorojë rrjetet sociale të studentëve të huaj që kërkojnë viza

Ishte mbështetës i tij, Trump fal ish-sherifin e dënuar për ryshfet

Deputetët francezë mbështesin ligjin që lejon eutanazinë

PD ankimon Shkodrën në KAS: Të shpallen të pavlefshme dhe të përsëriten zgjedhjet në qarkun e Shkodrës

Ka ardhur droga e re, ‘Yellow Zushi’! U zbulua në valixhen e një 39-vjeçari. Po e transportonte në Shqipëri

EMRI+FOTO/ E rëndë në Itali – 39-vjeçari shqiptar aksidentohet për vdekje teksa ishte nisur për në punë

© Copyright 2025, Të Gjitha të Drejtat e Rezervuara, Dev by Techzero1.com.

Nuk ka rezultat
View All Result
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione

© Copyright 2025, Të Gjitha të Drejtat e Rezervuara, Dev by Techzero1.com.