Në një intervistë për “France24”, kryeministri Edi Rama është pyetur se përse ekziston një mungesë dioalogu mes qeverisë dhe opozitës e cila ka mbi 40 ditë që proteston përpara selisë së Kryeministrisë.
Por Rama nuk i është përgjigjur gazetares drejtpërdrejt, ai i është shmangur pyetjes duke thënë se nuk ka asgjë dramatike.
“Unë mund t’ju them vetëm se jemi një demokraci e re dhe kemi ende për të mësuar dhe për të ngritur instrumente për një komunikim normal midis njerëzve dhe partive politike, por asgjë dramatike.”, tha Rama.
Gazetarja e “France 24” e pyet Ramën edhe për Reformën në Drejtësi, për të cilën opozita e akuzon se atij po ia imponojnë shtetet e BE-së dhe SHBA.
“Në fakt është disi paradoksale, rrallë ndodh që një qeveri të përcaktohet për një reformë radikale në drejtësi, shumë të rëndësishme siç thatë edhe ju të lidhur me korrupsionin në nivele të larta dhe opozita të jetë kundër.
Është një reformë që e kemi nisur në harmoni, me misionin e drejtësisë sëq Bashkimit Eduropian dhe atë të SHBA-së, të mbështetur nga shumë ekspertë me eksperianca në gjirin e BE-së për reforma të tilla në vende që kanë dalë nga regjimi komunist.
Dhe pasi kemi bërë ndryshime edhe në Kushtetutë për një drejtësi më të pavarur në Shqipëri, kemi arritur te pjesa më e vështirë për fat të keq për t’u gëlltitur nga disa, vettingu i gjyqtarëve dhe prokurorëve.”, tha Rama. (D.D/Shuplaka)
