Pas deklaratave të Edi Ramës ka reaguar edhe kreu i grupit parlamentar të Lëvizjes Socialiste për Integrim, Luan Rama. Ky i fundit pohoi se kryeministri dhe ministrat e tij, analizat e qeverisjes në këto 4 vite, duhet ta bënin me LSI dhe jo me eufori të njëanshme.
“Retorika patetike e PPSH-se se 1989-es nuk na ndihmon për Shqipërinë Europiane. Analizën e qeverisjes duhet ta bëjmë se bashku jo me eufori dhe njëanshmëri. Për LSI-ne ministri me i suksesshme Blendi Cuci qe drejtoi reformën administrative. Bledi Cuci ministri me i suksesshëm, nuk duhej shkarkuar. Ne socialistet qe mbajmë mend Libofshem nuk mund t’ja leme kauzen e zgjedhjeve te lira çadrës se Saliut. Zgjedhjet e lira e pluraliste kauza jone e madhe.”, u shpreh Luan Rama për një portal online.
Por për këtë deklaratë ka reaguar edhe Taulant Balla duke iu është kundërpërgjigjur Luan Ramës.
“Miqesisht i them mikut tim Luan Rama ta lere retoriken e PPSH-se se vitit 1989 sepse as Edi Rama dhe as Ilir Meta nuk vijnë nga PPSH-ja e 1989-es, po vijne nga levizja demokratike per zgjedhje te lira ne vitin 1990. Miqesisht Luan miku im prej zgjedhjeve te vitit 1996, nuk te takon te besh analistin e Partisë Socialiste dhe as gazetarin me ministrat e Partisë Socialiste, se nuk shkon më me këto mistreclleqe mes nesh. Merr shembull nga Partia Socialiste e 2017-es qe ka kater vjet ne koalicion ne partine tende dhe kurre nuk i’a ka lejuar vetes qe te pergojoje ministrat e LSI. Gjej nje rast ku une si nenkryetar i Grupit Parlamentar te PS te kem pergojuar ndonje minister te LSI. Po keshtu asnje drejtues tjeter i PS. Miqësisht miku im Luan, sa per zgjedhjet e lira dhe pluraliste, jam shume dakord me ty, te mos i’a lini as çadrës as Cim Pekes! Lëreni çadrën ne vetminë e madhe dhe te shkojmë tek populli per t’i dhene fund estradave te turpshme te Saliut me popullin shqiptar.”, u shpreh Balla për një portal online. (J.V/Shuplaka)
Discussion about this post