Analisti Andi Bushati ka komentuar debatin politk në vend dhe veçanërisht darkën e mbrëmshme të shumëpërfolur të Ramës me Metën.
Bushati nga rubrika “Opinion”u shpreh se ishte i mendimit që liderët e dy partive kryesore të maxhorancës thjesht po bëjnë bashkë numrat.
“Fizionominë e atyre që na qeverisin ne e dime. Rama dhe Meta po përpiqen të bëjnë bashkë numrat dhe jo idetë”,-u shpreh Bushati.
Bushati po ashtu tha se mbrëmë kishte një mori lajmesh të pavërteta mbi darkën e Ramës dhe Metës dhe se informacioni u përthye ashtu siç kishin vendosur këshilltarët mediatikë të dy palëve të djeshme në takim. Sipas Bushatit ka një tronditje të besimit të qytetarëve te mediat tradicionale.
“Kishte shpërthim të një morie lajmesh edhe atyre që i quajmë “fake news”. Kjo ka të bëjë me tronditjen e besimit tek mediat tradicionale. Na rezulton se darka shkoi shumë mirë dhe asnjëri nuk citonte asnjë burim, asnjë gazetar, nuk kishte gazetarë në vendngjarje që të bënin stan up-e, lajmin të gjithë televizionet e përcollën si kanë dashur të infiltrojnë këshilltarët e palëve. Kjo ka sjellë mosbesim të publikut dhe kjo sjell fantazi të ndryshme pastaj në rrjetet sociale. Kjo është arsyeja e lajmeve të djeshme”,- tha Bushati. (M.D/ Shuplaka)
