Të gjithë preferojmë një bark të sheshtë dhe seksi. Problemi është se shumë njerëz janë duke u përpjekur kot sepse ata nuk kanë një informacion të saktë në lidhje me të pasurit e një barku të sheshtë. Ndryshe nga sa mendohet, jo domosdoshmërisht duhet të mbani dieta tejet të rrepta për të patur një bark të sheshtë.
Rregulli kryesor është të mënjanoni ato produkte të cilat ndikojnë drejtpërdrejt në shtimin e dhjamit në zonën e barkut dhe belit.
Ja cilat janë këto produkte:
Karbohidratet e këqija: kuleçët, keku, paninet me miell të bardhë, makaronat e bardha, orizi, cerealet etj
Yndyra e keqe: sallamet, proshutat, ëmbëlsirat industriale, patatinat dhe snaks-et e paketuara, si dhe produktet që janë pregatirur me vaj misri, vaj luledielli ose vaj soje
Bulmeti me përmbajtje të lartë të laktozës: të tilla produkte janë djathrat e butë, qumështi apo ëmbëlsirat me përmbajtje të lartë laktoze
Bishtajoret: produkte të tilla si fasulet, thjerrëzat, qiqrat etj, shkaktojnë gazra dhe i japin fryrje barkut, prandaj duhet të minimizoni sasinë e konsumimit të tyre
Ëmbëlsuesit artificialë: produktet të cilat përmbajnë ëmbëslues artificialë, të tilla si lëngjet e gatshme të frutave, kompostet apo ëmbëlsirat e paketuara duhet ti eliminoni nga menuja juaj për të pasur një bark të sheshtë
Disa perime shumë të pasura me fibra: perimet janë në përgjithësi shumë të shëndetshme por disa prej tyre kanë sasi të lartë fibrash dhe krijojnë një fryrje të barkut dhë ngadalësojnë tretjen. Të tilla perime janë: brokoli, artiçoka, lulekara, lakra etj. (D.D/Shuplaka)
Discussion about this post