Grida Duma komenton deklaratën e Metës për qeveri besimi: Vetëm sa vërteton çështjet tona

E ftuar në emisionin “Tonight Ilva Tare” në televizionin “Ora News”, Grida Duma reagon pas deklaratave të Kreut të LSI-së Ilir Meta, i cili i vuri kusht Edi Ramës një “qeveri besimi” për realizimin e koalicionit.

Duma është shprehur se me këtë deklaratë, Meta vetëm ka vërtetuar çështjet e opozitës, që prej më shumë se 40 ditësh ndodhet në protesta.

“Si fillim ka vërtetuar ngritjen e termave tona. Termat që u përdorën, qeveri e besimit.. çfarë do të thotë se kjo qeveri nuk jep alternativë për zgjedhje të lira. Atë që kemi thënë. Kryetari i grupit të LSI vë në dispozicion mandatet ekzekutive. Lexuar politikisht është kjo gjë:

 As që diskutojmë zgjidhjen që është në Parlament. Problemi është qeveria. Deri tani ky kryeministër nuk jep garanci për zgjedhje të lira dhe të ndershme. Çështjet tona u vërtetuan nga aleati i mazhorancës. Kauzat qëndrokan”, tha Duma. (D.D/Shuplaka)